如果你考慮移民與否其中一個擔憂
係怕自己唔慣外國生活
我會同你講 好多野其實真係事在人為
可能大家會覺得我性格比較西化
嫁埋個洋人老公 所以一定好易融入西方文化
我可以話你知 其實有好多野我都唔係好開放
入左血係香港人 並唔係咁易話變就變
而我成日都本住做人最緊要開心
可以改變自己令自己同身邊嘅人都生活得開心d嘅話咪盡做囉
相反太辛苦嘅話 咪唔好改囉
諗下點係有限資源令自己舒服d開心d
其中飲食文化黎講
睇我身形都知我係有一鼓好強勁嘅無謂堅持🤣
例如西人（包括我屋企果三隻馬騮）
係好鐘意食三文治做lunch
簡單方便 亦是由細到大嘅午餐習慣
而我係真係好唔鐘意食三文治做午餐嘅人
係我嘅字典裡
午餐係要食碗麵或食個小飯的
我扮唔到鬼妹食件sandwich
我係會好忟嘅如果迫住要食
係屋企就易攪啦 鐘意食咩就煮咩
但如果外出時我嘅午餐最無質素
我都會預備個杯麵比自己
例如今日去沙灘玩 佢地食三文治好鬼開心
我咪帶個合味道加用個保暖壺帶定滾水囉
我又開心 又影響唔到人 仲順便宣揚下我地
好鬼鐘意「我煮個麵比你食啦」嘅香港文化
所以有時做人唔好太固執
試過真係頂唔順嘅 都無必要迫自己
我覺得西方文化影響左我好多
有好多價值觀、思想、習慣我係改變左嘅
但同時我亦有好多東西容許自己保留
為自己某d堅持而驕傲
例如食湯麵呢樣野
我真係同你死過架 如果你唔比湯麵我食🤣
中庸之道乃重要
自己好好調教
找出屬於自己的生存之道
係去到邊個國家生活都是重要的
Search